Анчелоти: Добро е што фудбалерите се разочарани, ова нѐ обединува

Тимот на Анчелоти на последните два натпревари дома прими дури седум голови, ги загуби и двата. Работите за Реал Мадрид не одат добро, тимот е во криза.

„Добро е што фудбалерите се разочарани како и јас, ноќта ќе биде многу долга и тоа е добро, ќе можеме да размислиме“, вели Анчелоти.

„Ова е дел од фудбалот. Кога мислите дека се ќе биде добро, вашиот тим колабира. Но, сега треба да се вратиме на нашето ниво“.

„Уште веруваме дека можеме да се бориме за секоја титула оваа сезона. Кога страдаме тоа нѐ обединува“.