Шампионската парада прекината, светските прваци летаа со хеликоптери до базата (ВИДЕО)

20 декември 2022 - 20:52

Шампионската парада после повеќе од четири часа на крај не дочека да заврши меѓу безмалку петте милиони Аргентинци кои излегоа на улиците за да ги поздрават шампионите.

Светските прваци требаше да поминат околу 70 километри со отворениот автобус, најмногу и поради тоа што првичното планирано сценарио да минат покрај Обеликсот не успеа од безбедносни причини зашто имаше премногу народ.

Играчите кружеа за да ги отпоздрават навивачите и на крај општото лудило имаше крешендо кога еден навивач од надвозник им скокна на хероите во автобусот, а вториот не успеа и од задниот дел потоа тресна на асфалтот.

Поради ова одговорните за безбедност решија да се прекине парадата. Фудбалерите со беа превземенк од хеликоптери, кои полетаа од базата за кадети на федералната полиција, прелетаа над центарот на градот, па ги транспортираа во базата Езеиза, каде е седиштето на аргентинската федерација и кампот на репрезентацијата, од каде и всушност почна парадата.

Првиот човек на федерацијата им се извини на сите навивачи во негово име и во име на фудбалерите за прекинатата парада.

„Не ни дозвлија да продолжиме со прославата, со сите тие што беа на Обеликсот, а безбедносните сили кои ни беа придружба не дозволија да продолжиме понатаму. Илјадници извинувања кон сите во име на шампионите“, објави Чики Тапиа, претседателот на АФА.

Инаку, четири часа автобусот со фудбалерите се пробиваше низ масата на Аргентинци по улиците, славејќи го историскиот успех и првата светска титула по 36 години откако пред два дена во Доха во финалето беше победена Франција после епско трилер финале на 22-то Светско првенство, што значеше и крунисување на Лионел Меси за најдобар во историјата.