Рудигер направи хаос во „Ел Класико“, па сега - се извинува на Инстаграм! (ФОТО)

27 април 2025 - 11:44

Германскиот дефанзивец на Реал Мадрид, Антонио Ридигер, јавно се извини за своето однесување по поразот на својот тим од Барселона во финалето од Купот на Шпанија во кое „кралевите“ беа поразени по продолженија со 3-2. 

Рудигер беше заменет во 111. минута од натпрварот, а по завршувањето на средбата кон главниот судија на натпреварот фрли шише со мраз поради што заработи и црвен картон. За таквото однесување Германецот може да се соочи и со суспензија од дури 12 натпревари. 

Во објава на Инстаграм, Ридигер ја призна својата грешка, нарекувајќи го своето однесување „неоправдано“ и изразувајќи жалење што не можел повеќе да помогне по 111 минути игра колку што помина на теренот. Исто така дефанзивецот испрати и извинување до судијата на натпреварот.

Покрај Ридигер, и Џуд Белингем и Лукас Васкез беа исклучени од игра. Според член 101 од Дисциплинскиот кодекс на Шпанската фудбалска федерација, Ридигер се соочува со можна суспензија од 4 до 12 натпревари, што би значело крај на неговата сезона во сите домашни натпреварувања, вклучително и Ла Лига.​