Претставен официјалниот постер за Мундијалот (ФОТО)

03 март 2026 - 19:10

Организаторите на годинашниот најголем фудбалски спектакл денеска го претставија официјалниот постер за Светското првенство кое ќе се одржи во САД, Канада и Мексико.

 Како што е познато, Мундијалот за првпат во историјата ќе се игра во три држави, а постерот, според ФИФА, го отсликува духот на соработка, возбудата и единството.

За првпат во историјата на светските првенства, на изработката на официјалниот постер работеа тројца уметници. Карсон Тинг од Канада, Минерва ГМ од Мексико и Хенк Вилис Томас од САД ги здружија своите таленти и уметнички стилови за да создадат дело кое ја прикажува заедничката страст кон фудбалот што го обединува светот.

Светското првенство започнува на 11 јуни, а финалето е закажано за 19 јули.

Фото: EPA