Отворени „Плазма Спортските игри“ - 27.000 деца од цела држава ќе џагорат во Скопје (ФОТО)

08 мај 2026 - 13:59

На скопскиот плоштад „Македонија“ денеска свечено беа отворени „Плазма Спортските игри за млади“, со симболично палење на пламенот од страна на премиерот Христијан Мицкоски, министерот за спорт Борко Ристовски и спортистите Дарио Ивановски и Игор Стефановски Иџе.

Станува збор за спортски проект што ќе опфати повеќе од 27.000 деца од целата држава, кои ќе се натпреваруваат на локално, регионално и државно ниво во повеќе спортови, меѓу кои атлетика, баскет, одбојка, ракомет, шах и мал фудбал.

Најдобрите учесници ќе обезбедат пласман на големото меѓународно финале во Сплит, Хрватска. Организаторите порачаа дека целта на игрите е промоција на спортот, фер-плејот и здравите навики кај младите.