Недвед ги остави милионите во Саудиска Арабија – првпат ќе работи во репрезентативниот фудбал!

23 јуни 2025 - 14:56

Eден од најдобрите чешки фудбалери на сите времиња, Павел Недвед се врати во репрезентацијата по две децении и тоа со улога на генерален менаџер задолжен да се грижи за сениорскиот тим и селекцијата до 21 година.

Недвед по завршувањето на кариерата долго време имаше функција во Јувентус, но Торино го напушти во 2022 година кога се промени комплетното раководство на „старата дама“.

Во последните месеци работеше како спортски директор на Ал-Шабаб, а сега одлучи ја напушти Саудиска Арабија и да се врати во татковината.

Оваа одлука на Недвед дојде во момент кога Чешка беше поразена од Хрватска во квалификациите за Светското првенство расипувајќи го впечатокот од одличниот старт со три победи.

Последен пат Чешка играше на еден Мундијал во 2006 година, токму кога Недвед се збогуваше од националниот тим, па сега ќе се обиде да помогне да се вратат на најголемиот фудбалски настан.