Милан претстави ново засилување, а пари од трансферот ќе добие и Јувентус

Досегашниот фудбалер на Џенова, Кони Де Винтер денеска потпиша договор со Милан до 30 јуни 2030 година.

Миланскиот клуб не ги потврди финансиските детали, а италијанските медиуми објавија дека 23-годишниот белгиски одбранбен фудбалер направил трансфер вреден 20 милиони евра.

Џенова ќе добие 18 милиони евра веднаш и уште два преку бонуси.

Пари од трансферот ќе добие и неговиот поранешен клуб, Јувентус кој има право на сума од 20 до 25% од вредноста на комплетниот договор.

Во Милан Де Винтер ќе заработува 1.8 милиони евра по сезона и ќе го носи дресот со број пет.