Мбапе го прекина молкот: Имаше многу неточни информации за моето колено

Францускиот голгетер тврди дека сега е „100 проценти подготвен“ откако доби прецизна дијагноза во Париз и создаде план за враќање во форма.

„Моето колено е добро, многу подобро. Закрепнувањето оди во вистинската насока, иако имаше многу шпекулации и неточни информации. Тоа е животот на врвен спортист, луѓето често зборуваат без да проверат. Заедно со докторите, смисливме план да се вратиме на највисокото ниво во Реал Мадрид, но исто така и на Светското првенство“, додаде Мбапе.

Тој беше резерва во последните два натпревари на својот клуб поради повредата, вклучувајќи го градското дерби и победата на гости против Манчестер Сити. Мбапе во меѓувреме се приклучи на француската репрезентација, која ќе игра пријателски натпревари против Бразил и Колумбија за време на меѓународната пауза. Селекторот на Франција, Дидие Дешан, сега ќе одлучи колку минути ќе му даде на првиот напаѓач на тимот, откако клубот внимателно го анализираше неговото враќање на теренот. На фудбалерот на Реал му требаат три гола за да стане најдобар стрелец во историјата на француската репрезентација.