Кукуреља го разочара Пике: Ова многу боли, навивачите нема да му простат

15 јуни 2026 - 13:20

Шпанскиот репрезентативец Марк Кукуреља потпиша за Реал Мадрид, потег кој предизвика бројни реакции, особено во Барселона, со оглед на тоа што 27-годишниот фудбалер е дете на каталонскиот клуб и произлегува од познатата фудбалска школа Ла Масија.

Според информациите, Барселона по овој трансфер повеќе не го смета Кукуреља за свој производ, а неговото име и податоци наводно се избришани од евиденцијата на академијата.

Поранешниот играч на Барселона, Жерар Пике, остро го критикуваше потегот на левиот бек.

„Мина низ Ла Масија, како дете го носеше дресот на Барселона, учеше за вредностите на клубот и добро знае што значи Барселона за милиони навивачи ширум светот“, изјави Пике, додавајќи:

„Затоа ова уште повеќе боли. Играч кој излегол од Ла Масија многу подобро го разбира ривалството. Ако пораснеш во академијата на Барселона и потоа го избереш Реал Мадрид, не можеш да очекуваш поддршка.“

Пике истакна и дека клупскиот идентитет е клучен дел од системот на Барселона.

„Ла Масија е повеќе од школа, таа е идентитет. Можеш да заминеш од Барселона, но да потпишеш за Реал Мадрид по растење во Ла Масија? За многу навивачи тоа е преминување на црвена линија. Луѓето можат да изберат што сакаат, но вистински навивач на Барселона не заборава од каде потекнува“, заклучи Пике.