Хрватска преку Грција ќе бара виза за СП, а Италија ќе се мачи со Шведска
Италијанците, кои беа противници на Македонија во мундијалските квалификации (ремизиравме со нив неодамна во Торино 1-1) ќе мора добро да се испотат и да ги одиграат своите два најдобри мечеви во последните две години, затоа што „викинзите“ не се нималку лесен противник, особено што во групата со Франција и Холандија до последно коло беа во игра и за директен пласман на СП.
Хрватска против Грција ќе се бори за Мундијалот, но мечот ќе биде под посебно внимание и поради блискоста на грчките навивачи со српските, па провокациите и инцидентите сигурно ќе бидат дел од пресметката со голем влог, која носи не само пласман на СП, туку и 15 милиони ера награда за федерацијата.
Во другите два меча, Северна Ирска и Швајцарија ќе се борат за едно место, а Данска и Р. Ирска за последното од Европа.
Еврпските баражи ќе ги дадат четирите последни патници од Стариот континент на Мундијалот во Русија, а останатите пет места идниот месец ќе се знаат од двата интерконтинентални баражи Австралија – Хондурас и Перу – Нов Зеланд, како и трите преостанати африкански селекции од послендото квалификациско коло.
Баражите ќе се играат од 9 до 11 ноември за првите дуели, додека реваншите се на програмата од 12 до 14 ноември.