Гвардиола одржа лекција на млади навивачи: Ова ли сакате да го правите во животот?! (ВИДЕО)

13 јануари 2025 - 10:20

Tренерот на Манчестер сити, Пеп Гвардиола им одржа лекција на млади навивачи кои сакаа да добијат автограми од него.

Шпанскиот стратег беше снимен како им зборува да не го прават тоа и дека во иднина нема да им дава автограми и им порача да се вратат на училиште.

„Не се враќајте повеќе, нема да ги потпишувам дресовите. Ви ги запаметив лицата. Вратете се на училиште и подготвувајте се за животот. Млади сте, не губете време. Ова ли сакате да го правите целиот живот? Навистина? Кои се вашите соништа?“, има зборуваше Пеп.

Медиумите на Островот пишуваат дека Гвардиола нема проблем со потпишување на дресови, но сакал да го истакне трендот во кој се повеќе „навивачите“ собираат потписи од познатите фудбалери и тренери за да ги продадат неколку часа подоцна.