Синер за допинг-скандалот: Ми пресудија дека сум невин, нели?

13 јануари 2025 - 17:38

Најдобриот тенисер во светот Јаник Синер со победа од 3-0 во сетови против Николас Жари го почна походот кон пехарот на Австралијан опен.

Новинарите на прес-конференција ги интересираше што има да каже за допинг-скандалот со кој се соочува, како и за неговото мислење за Жари кој во 2020 година доби суспензија поради позитивен допинг-тест.

„Да бидам искрен, не ги знам деталите од неговиот случај. Многу ми е тешко да коментирам такво нешто. Можам да кажам само дека постои протокол. Знам низ што поминав, уште не е готово, но на крајот на денот пресудија дека сум невин“, кажа Синер.