Голманот на Барса можеше да направи глупост - сцената потсети на легендарен филм! (ВИДЕО)

04 февруари 2026 - 16:22

Фудбалерите на Барселона обезбедија пласман во полуфиналето на Копа дел Реј откако во вчера вечер славеа на гостувањето кај Албасете со резултат 2-1.

Каталонците, очекувано, релативно рутински го приведоа натпреварот кон крај, но еден детал од мечот привлече посебно внимание кај гледачите од регионот.

Станува збор за несекојдневна ситуација која многумина ја потсети на култниот филм на српската кинематографија „Кога ќе пораснам ќе бидам кенгур“, во кој младиот голман во дресот на Иствич одбрани пенал против Манчестер јунајтед, а потоа, држејќи ја топката во рацете, влегува во сопствената мрежа со што му овозможува на противникот да израмни.

Иако оваа сцена со години се сметаше за чиста филмска, сличен момент беше виден и на стадионот во Албасете. Голманот на Барселона, Жоан Гарсија, во еден момент ја фати топката, но потоа, држејќи ја во рацете ја помина линијата и излезе од теренот сакајќи да ја провери ситуацијата со Араухо кој се жалеше на повредата. За негова среќа не влезе во голот, па судијата досуди само корнер.