Екс-фудбалерот на Атлетико има почеток на тренерската кариера како од соништата!

19 март 2025 - 14:45

Голем број фудбалери по завршувањето на играчката кариера сакаат да се пробаат во тренерските води, но не можат сите да се пофалат со почеток каков што има поранешниот бразилскиот репрезентативец, Фелипе Луис.

Бразилецот се повлече во јануари 2024 година, а веднаш потоа започна да работи како тренер во младинските селекции на Фламенго за во септември да добие шанса и на клупата на првиот тим.

И во само шест месеци Луис успеа да освои дури три трофеи со овој клуб. Фламенго со него на клупата стигна до трофеите во Купот и Суперкупот на Бразил, како и трофејот во шампионатот „Кариоки“.

Резултатите на поранешниот фудбалер на Атлетико Мадрид се и тоа како импресивни и на 26 натпревари има само еден пораз, а исто така на 17 неговиот тим не прими гол.

Новата сезона во бразилското првенство започнува кон крајот на март и нема дилеми дека Луис ќе се обиде да стигне до титулата.