Египет добро се испоти за пласман во четвртфинале - Салах стави точка на мечот! (ВИДЕО

05 јануари 2026 - 20:02

Египет влезе како огромен фаворит против Бенин, но дури по продолженијата дојде до победа од 3-1, мечот во регуларниот тек заврши 1-1.

Се чинеше дека Салах и неговите соиграчи денеска ќе имаат лесна задача за да се пласираат во четвртфиналето од Африканскиот куп на нации, но воопшто не беше така.

Немаше голови се до 69. минута кога Атиа донесе водство за Египет, тогаш се чинеше дека сепак нема да се случи изненадување.

Но, во 83. минута Досу го изедначи резултатот на 1-1. Тоа беше резултат и по 90 минути игра.

Во 97. минута Ибрахим успеа да ја врати предноста на Египет, водство од 2-1.

Течеше 124 минута кога Мохамед Салах даде гол и ги постави конечните 3-1. Тоа беше гол буквално пред последниот судиски свиреж.

Египет во четвртфиналето ќе игра со победникот од дуелот меѓу Брегот на Слоновата Коска и Буркина Фасо.