ДЕНЕСКА НА ПРОГРАМАТА: Мексико и Јужна Африка го отвораат СП, па следи дуел на Јужна Кореја и Чешка

11 јуни 2026 - 18:59

Светското првенство (СП) вечерва официјално ќе започне, а честа да го отворат најголемиот фудбалски турнир на светот им припадна на домаќинот Мексико и репрезентацијата на Јужна Африка, по што следи уште еден натпревар, и тоа меѓу Јужна Кореја и Чешка.

Првиот натпревар од Мундијалот се игра денеска од 21 часот на култниот стадион „Ацтека“ во Мексико Сити, а тоа ќе биде реприза на отворањето на СП од 2010 година кога Јужна Африка го пречека Мексико.

Натпреварот пред 16 години заврши без победник (1-1), но денес ситуацијата е поразлична, односно Мексико влегува како голем фаворит во овој натпревар.

Во групата А потоа следи дуелот меѓу Јужна Кореја и Чешка, кои ќе се соочат во 4 часот. Овие две селекции досега се соочиле три пати во пријателски натпревари, при што двете репрезентации имаат по една победа, а еден меч заврши нерешено.

Фото: Facebook/FIFA World Cup