БиХ и Косово со нови триумфи останаа во игра за директен пласман на СП 2026

15 ноември 2025 - 22:45

Фудбалерите на Босна и Херцеговина триумфираа со 3-1 против Романија и во последното коло ќе се борат за Австрија за директен пласман на Светското првенство (СП), додека во идентична ситуација е и Косово кое денеска ја надигра Словенија со 2-0 и ќе решава во последното коло против Швајцарија.

Романија ги шокира домаќините во 17. минута и поведе со 1-0, но Џеко на почетокот на вториот дел ја врати БиХ во живот, додека Бајрактаревиќ во 80. минута стрелаше за целосен пресврт (2-1), а победата ја потврди Табаковиќ во четвртата минута од судиското надополнување.

Австрија претходно го совлада Кипар со 2-0 и има два бодови повеќе од БиХ, па во последното коло на домашен терен ќе ги пречека Џеко и другарите во обид да го потврди првото место.

Косово непријатно ја изненади Словенија и триумфира со головите на Аслани во шестата и Карничник во 64. минута од натпреварот, додека Швајцарија со 4-1 ја декласира Шведска.

Швајцарија во последното коло му гостува на Косово, но има гол-разлика од +12, што значи дека Косово за да го преземе првото место ќе мора да победи со седум голови разлика.

Треба да се спомене дека Косово, сепак, веќе обезбеди бараж за СП, и тоа по првпат во историјата.

Останати резултати:

Данска – Белорусија 2-2
Грција – Шкотска 3-2

Фото: Nogometni savez Bosne i Hercegovine