Артета смислил нова тактика, Арсенал сака да го искористи новото правило

18 август 2025 - 17:19

Првото коло од Премиер лигата го донесе дербито помеѓу Манчестер јунајед и Арсенал, а навивачите во натпреварот на „Олд Трафорд“ забележаа и нова тактика која ја пракикуваа фудбалерите на Арсенал.

Имено, Арсенал е опасен од корнери, па шпанскиот стратег ќе се обиде да го искористи правилото кое од оваа сезона е воведено во англискиот фудбал.

Голманите во Премиер лигата сезонава не смеат да ја задржуваат топката подолго од осум секунди, па поради тоа фудбалерите на Арсенал наизменично констатно вршеа притисок на чуварот на мрежата на Манчестер јунајтед и тоа беше забележано на Островот.

Според новото правило, ако голманот ја задржи топката подолго од осум секунди противникот ќе добие корнер.

Кога ќе се погледне дека Арсенал минатата сезона беше тимот кој постигна најмногу голови по удар од аголот, дури 31, 11 повеќе од Ливерпул зад нив, оваа тактика на Артета и не е преголемо изненадување.

Фото: Arsenal FC/X