Селекторот на македонските јуниори повика и фудбалер од - седмата германска лига!
Меѓу 22 повикани е и Лорик Мухтари, повратник во репрезентацијата, кој настапува во Нетенбург/Алермехе, клуб од седмиот ранг во германскиот лигашки систем. Згора на тоа, не игра во првиот тим на Нетенбург, туку во младинскиот, што поставува прашање, како и зошто младинец од аматерски тим во Германија се нашол во списокот на македонска репрезентација. Исто така, ова не е прв повик за Мухтари, кој веќе еднаш бил проверен и сега одново е повикан во националниот тим.
Македонија игра со Романија в понеделник и в среда и тоа се средби од пријателски карактер, но дури и на такви треба да се знаат критериумите за репрезентативен повик.