Омерагиќ именуван за член на Олимпискиот фудбалски комитет на ФИФА

28 октомври 2025 - 12:07

Претседателот на Фудбалската федерација на Македонија, Масар Омерагиќ беше именуван за член на Олимпискиот фудбалски комитет на ФИФА, кој има за задача да го унапреди и координира развојот на фудбалот во рамки на Олимписките игри, но и да соработува со Меѓународниот олимписки комитет за прашањата поврзани со фудбалот.

Прв човек на комитетот е Самир Шауд од Бразил, додека негов заменик е Мустафа Раџи од Либерија, а меѓу членовите се уште и Кохзо Ташима, Чермејн Крукс, Хрисостомос Гкагкатси, Шеик Ахамд Јусеф Ал Сабах, Бранко Радујко, Хелга Хелгадотир и други функционери.

Како член на Комисијата за медиуми и комуникации на ФИФА беше именуван генералниот секретар на ФФМ, Леонид Јандреоски. Таа комисија има за цел да ги развие и унапреди стратешките насоки на светската фудбалска федерација во областа на медиумите.

Членови на комисијата се Фатма Ал Нуими, Ајишат Фалоде, Ноел Муни, Хелена Пиреш, Аманда Вадерворд и Тони Ванг, додека претседател е Јасин Идрис Диало од Брегот на Слоновата Коска, а негов заменик е Армен Меликбекјан од Ерменија.