Хрватска не блескаше против Гибралтар, но обезбеди нов Мундијал (ВИДЕО)

12 октомври 2025 - 22:43

Репрезентацијата на Хрватска од вечерва е и дефинитивно учесник на Мундијалот во САД наредната година, а пласманот го потврдија со триумф над Гибралтар од 3-0.

Хрватите до победата дојдоа потешко од очекуваното, но впечаток е и дека избраниците на Златко Далиќ одиграа и толку, колку што беше потребно за да ги освојат потребните бодови.

Резултатот беше отворен во 30-тата минута кога Фрук ја погоди мрежата на гостите по асисенција од Пашалиќ.

Тој резултат беше актуелен се до 78-минута кога Сучиќ погоди за 2-0, додека конечниот резултат во последните секунди го постави Ерлиќ. Претходно голема прилика за втор гол пропушти Ловро Мајер кој не реализираше најстрога казна во 57-та минута.

На останатите средби кои се играа вечерва Данска ја совлада Грција со 3-1 за која ова беше тет пораз во низа, Полска со 0-2 беше подобра од Литванија, а Романија ја совлада Австрија со 1-0

Фото: HNS