Само Силекс се сети да му честита роденден на Пелистер!

12 октомври 2025 - 23:01

Екипата на Пелистер денеска со натпревар против романски Динамо Букурешт го прослави својот 80. роденден, а за прославата да биде уште поубава битолскиот клуб славеше победа од 2-0, но од ривалите во ПМФЛ битолчани честитка добија само од еден клуб.

Единствено екипата на Силекс јавно испрати честитка до својот ривал и посвети објава на социјалните мрежи. Кратовчани објавија фотографија под која стоеше: 

„Фудбалскиот клуб Силекс упатува искрени честитки до ФК Пелистер по повод 80 години од основањето на клубот. Нека следните години донесат уште многу радости, дербија и вистински фудбалски емоции!“.

Останатите клубови од Првата лига или заборавија или не сакаа да одвојат време за да испратат честитка до својот ривал, што секако е еден убав спортски гест и искажување на почит кон противникот.

Во Битола денеска освен роденденот на клубот, славеа и Чкембари кои прославија 40 години од своето постоење.