Алиоски: Не слушнав што ми вика Арнаутовиќ, по мечот ми се извинуваше!

15 јуни 2021 - 00:04

Австрискиот репрезентативец Марко Арнаутовиќ денеска двапати му се извини на македонскиот репрезентативец Езгјан Алиоски поради инцидентот кој се случи во завршницата од мечот меѓу Македонија и Австрија (1-3).

Арнаутовиќ го постигна третиот гол за Австрија, по што нешто му се нафрли на Алиоски, но откако се смирија страстите, тој реши да се извини најпрво преку медиумите, а потоа и преку социјалните мрежи со порака на македонски и албански јазик.

„Кажа нешто, но не можев да го слушнам затоа што публиката славеше во тој момент. Зборувавме по натпреварот и се смиривме. Тој дојде по мечот во нашата соблекувалната, ми подаде рака и ми се извини. Арнаутовиќ дојде како пријател, зборувавме на германски и се разбравме на крајот“, открива Алиоски.