Ултрас фановите на Наполи, му ја вратија Фиат Пандата на Спалети! (ВИДЕО)

Лучано Спалети стана херој на Наполи откако му го донесе првото Скудето на тимот по 1990 година, трето во нивната историја, но во октомври 2021 година расположението кон него беше многу поинакво.

Тогаш Наполи имаше резултатска криза, фановите беа против Спалети, му беше украден автомобилот, обична Фиат Панда, а група навивачи брзо потоа излегоа со порака: „Ќе ти ја вратиме твојата Панда кога ќе си одиш!“.

Сега Спалети навистина го напушта Наполи, а навивачи со маски на нивните лица одлучија да си го одржат зборот.

Во прес-салата тие му доставија пакет на Спалети во кој имаше волан од Панда, со врамена порака во која потврдуваат дека тие му го „стопиле“ автомобилот, но барем му дале нешто за паметење од Неапол.

Во кутијата имаше и фалсификувани дискови од легендарниот наполитански пејач и текстописец Пино Даниеле.

Реалноста е поинаква, автомобилот на Спалети му бил вратен брзо откако му бил украден откако им било влезено во трага на кратците, но тие тогашниот момент го искористија за да се пошегуваат со тренерот и да му се заблагодарат за тоа што им го донесе Скудетото.

Спалети ја прифати пораката на срдечен начин, беше трогнат од гестот, се поздрави и се испрати со сите навивачи посебно кои беа во салата.