Торино нема да го задржи Елмас - прескап им е!

Елмас веднаш стана еден од најдобрите во составот на Торино и се избори за стандардно место во првиот тим. Често игра по 90 минути, го доби тоа што го сакаше, но нејасно е каде ќе настапува следната сезона.

Во договорот за позајмица меѓу Торино и Лајпциг, има клаузула според која македонскиот фудбалер може целосно да биде откупен за 17 милиони евра.

Оваа сума е превисока за Торино кој нема намера да плати. Тие сакаат да го задржат Елмас, но само доколку Лајпциг им даде попуст, а германскиот клуб нема намера тоа да го направи.

Интерес за Елмас има и од други италијански клубови, а неодамна се шпекулира дека и Ајкас го посакува нашиот фудбалер.

Поради големиот интерес, Лајпциг смета дека најмалку што може е да го продаде за 17 милиони евра колку што му побара на Торино.