Сонот на Нејмар е да се врати во Барселона

14 февруари 2025 - 09:45

Некогашниот голем бразилски талент Нејмар неодамна се врати во матичниот клуб Сантос и многумина во тоа видоа план за завршување на кариерата таму, но изгледа дека тоа не е баш така.

Зад сето тоа, стои големата желба на Нејмар да се врати во Барселона и во Сантос ќе се обиде да ја достигне посакуваната форма која ќе му обезбеди нов трансфер во Каталонија. Самиот си поставил задача да направи се што е можно за да заигра повторно во клубот каде настапуваше од 2013 до 2017 година.

По заминувањето од Барселона, кариерата на Нејмар тргна во надолна линија. Најчесто беше повреден додека играше за ПСЖ и не освои ништо вредно, освен неколку титули бо Франција кои немаат големо значење. Во 2023 година се пресели во Саудиска Арабија, но таму брзо се повреди, паузираше цела година, а минатиот месец одлучи да се врати во Сантос од каде ќе чека шанса за трансфер во Барса иако малкумина веруваат во такво сценарио.