Солшер е разочаран: Тешко ми е да го гледам Манчестер јунајтед

05 мај 2025 - 18:24

Поранешниот тренер на Манчестер јунајтед, Оле Гунар Солшер вели дека е разочаран од резултатите на премиерлигашот и тешко ја прифаќа ситуацијата во која се наоѓаат „црвените ѓаволи“.

Гигантот од „Олд Трафорд“ се наоѓа на 14. место во Премиерлигата на три кола пред крајот, а Солшер вели дека не му е лесно кога ќе ја погледне табелата.

„Манчестер јунајтед е моето семејство и овој тим секогаш ќе биде дел од мене. За мене е тешко да го гледам клубот во моментов. Тоа е како да го гледам моето семејство како се бори. Не е лесно кога ќе го погледнете пласманот на табелата“, вели Солшер.