Слот постави нов рекорд во Ливерпул - 36 победи во првите 50 меча!

14 април 2025 - 11:37

Тренерот на Ливерпул, Арне Слот има неверојатен почеток на кариерата во премиерлигашот и се наоѓа пред освојување на титулата во англискиот шампионат, но притоа успеа да постави и нов рекорд.

Слот го наследи Јирген Клоп минатото лето и во неговите први 50 натпревари на кормилото на „црвените“ успеа да запише дури 36 победи.

Холанѓанецот на таков начин го урна претходниот рекорд кој го имаа Џо Феган и Кени Далгиш, со по 26 победи во првите 50 меча на кормилото на гигантот.