Шок во Реал Мадрид: Серхио Рамос размислува за заминување

Ова информација се појави во шпанските медиуми, а набрзо се прошири и во англискиот печат. Рамос имаше тешка сезона со „кралевите“, а беше цел на навивачите откако намерно доби жолт картон на гостувањето кај Ајакс во Лигата на шампионите, а потоа во Мадрид неговиот тим загуби со 1-4 и доживеа елиминација во осминафиналето. Навивачите беа уште поразочарани кога открија дека Рамос снимал документарен филм за себе додека седеше во ложата.

Наводно дефанзивецот и претседателот Флорентино Перез се во лоши односи, откако првиот човек на клубот влегол во соблекувалната по поразот од Ајакс и им се нафрлил на фудбалерите. 

Рамос пред четири години беше многу близу да се пресели во Манчестер јунајтед, но тогаш се премисли и потпиша нов договор со Реал Мадрид, кој сега истекува во 2021 година. 

Јунајтед повторно е заинтересиран за Шпанецот, а во игра може да влезе и ПСЖ.