Серија А не попушта: Лече мора да игра против Аталанта!

26 април 2025 - 16:27

Лече во четвртокот соопшти дека ненадејно починал физиотерапевтот Грацијано Фиорита, по што се очекуваше да биде одложен дуелот против Аталанта од 34. коло, меѓутоа Серија А не даде „зелено светло“.

Италијанските медиуми пишуваат дека Лече побарал нов термин за натпреварот, но Серија А смета дека не постои шанса за одложување на средбата и истата ќе се одигра в недела од 20.45 часот.

Лече нема друг избор, освен да излезе на теренот против Аталанта и покрај трагедијата затоа што го чека тешка битка за опстанок. Екипата има 26 бодови на 17. место, односно еден поен повеќе од зоната за испаѓање.

Фото: EPA PHOTO