Сега ако не го победи - никогаш: Мбапе уште нема триумф против Јамал

Иако Шпанецот има само 18 години, во последните 15 месеци се претвори во вистински кошмар за Мбапе. Во овој период двајцата фудбалери се сретнаа шест пати на клупско и репрезентативно ниво и сите шест победи ги однесе Јамал.

Првиот меч беше на ланското Европско првенство во Германија каде Јамал со Шпанија ја победи Франција во полуфиналето со 2-1, а фудбалерот на Барселона, тогаш 16-годишен, постигна еден од головите. Серијата продолжи во текот на клупската сезона, Барса и Реал се сретнаа четири пати и сите четири дуела ги доби каталонскиот тим (4-0, 5-2, 3-2 и 4-3). Капак на се беше победата на Јамал, односно Шпанија во полуфиналето од Лигата на нации оваа година со 5-4 при што фудбалерот на Барселона постигна два гола.

Денеска Мбапе ќе има седмата шанса да дојде до победа во дуел против Јамал и се чини дека ова е најголема можност досега. Реал игра на домашен терен, Французинот се наоѓа во одлична голгетерска форма, а Барселона ќе биде преполовена, без некои од најдобрите играчи.