Адејеми побудале затоа што беше изваден од игра

26 октомври 2025 - 12:58

Карим Адејеми игра мошне добро оваа сезона, особено добра игра покажа против Јувентус во Лигата на шампионите и во пресметките во Бундеслигата со Мајнц и Волфсбург.

Сепак, токму кога се чинеше дека германскиот интернационалец може да направи пробив и да се трансформира од талентиран напаѓач во плејмејкер на Борусија Дортмунд, или еден од најдобрите офанзивни играчи на континентот (за што дефинитивно има потенцијал), тој ја покажа и другата страна од својот карактер, што очигледно не му дозволува да блесне во својот полн сјај.

Адејеми реагираше несоодветно вчера, во победата на Борусија Дортмунд против Келн (1-0) кога го напушти натпреварот во 79-тата минута. Нико Ковач го испрати Фабио Силва на теренот на негово место, а поранешниот играч на Салцбург реагираше исклучително бурно.

Прво, едвај се збогува со Португалецот на излегување, а потоа скрши шише со вода на земја во близина на клупата каде што седеа неговите соиграчи. Тренерот Нико Ковач не обрна големо внимание на тоа, но не е исклучено Адејеми да добие санкции за своето однесување.