Роналдо: Знам дека немам уште многу за играње - уживам во секој ден!

08 октомври 2025 - 05:36

Кристијано Роналдо зборуваше за евентуалното пензионирање од фудбалската игра кое наскоро треба да се случи, но Португалецот уште не знае кога ќе биде тој ден.

Роналдо вели дека живее од ден за ден иако е свесен дека нема уште многу години за играње фудбал.

„Најважно е да уживате во моментот. Не знам уште колку години ми останаа за играње, но од тоа малку време што остана, сакам да извадам најмногу што можам. Имам филозофија да живеам од ден за ден. Да немам долгорочни планови. Го уживам секој ден, секој тренинг“, вели Роналдо.

„Сакам да продолжам да играм уште неколку години, не многу, треба да бидам искрен. Се уште правам добри работи, му помагам на клубот и националниот тим. Сигурен сум дека кога ќе се пензионирам ќе заминам исполнет бидејќи сум дал се од себе“.