Роналдо: Имам почит само за тројца фудбалери во Јунајтед

17 ноември 2022 - 14:34

Ѕвездата на Манчестер јунајтед, Кристијано Роналдо во неговото контроверзно интервју кажа многу работи кои го налутија раководството на премиерлигашот, но имаше што да каже и против неговите соиграчи, освен за тројца за кои вели дека има почит.

Роналдо го навреди клубот, па тренерот Ерик Тен Хаг, помладите фудбалери, а потоа кажа дека има почит само кон Диого Далот, Лисандро Мартинез и Касемиро.

„Од фудбалерите на Јунајтед имам почит само кон тројца. Далот е голем професионалец, иако е млад. Тој е паметен и интелигентен фудбалер. Можам да ги споменам и Мартинез и Касемиро за кои имам голема почит“, вели Роналдо.

Португалецот претходно ги навреди помладите колеги затоа што не сакале да прифатат совет од поискусните фудбалери на тимот.