Родри го победил Винисиус за „Златната топка“ со разлика од - 41 поен!

08 ноември 2024 - 19:06

Шпанскиот репрезентативец и ѕвезда на Манчестер сити, Родри ја доби престижната награда „Златна топка“, која се очекуваше претходно да му припадне на Бразилецот Винисиус Жуниор.

Во последен момент се променија работите и наградата заврши кај Родри, додека Реал Мадрид и Винисиус решија да ја бојкотираат манифестацијата во организација на „Франс Фудбал“.

Денеска се појавија и детали од гласањето за фудбалерите, па така Родри добил 1.170 поени, односно 41 повеќе од Винисиус.