Реал во хаос, Ла Лига му го одби барањето за одложување на стартот на сезоната

Екипата летово учествуваше на Светското клупско првенство кое за неа заврши на 10 јули, а потоа фудбалерите заминаа на одмор по што на тренинзи ќе се вратат на 4 август, две недели пред планираниот меч со Осасуна. Раководството побара од Ла Лига тој меч да биде одложен за една недела, но тоа барање беше одбиено, па прашање е фудбалерите во каква форма ќе влезат во новата сезона.

Денеска Реал го закажа првиот подготвителен натпревар во пресрет на стартот на првенството, против австрискиот Тирол на 12 август во Инсбрук.