Реал Мадрид го надигра Еспањол и ја одложи прославата на Барселона (ВИДЕО)

03 мај 2026 - 22:59

Ѕвездите на Реал Мадрид славеа против Еспањол со 2-0 во 34. коло од шпанската Ла Лига, па така ја одложија прославата на Барселона која се наоѓа пред нова титула во домашниот шампионат.

По првото полувреме во кое немаше голови, „кралевите“ успеаја да стрелаат два пати во вториот дел преку Винисиус Жуниор, и тоа во 55. и 66. минута од натпреварот.

„Кралевите“ се втори на табелата со 77 бодови, додека Барселона е лидер со 88 поени, па титулата би можела да биде решена во следното коло, односно „Ел Класико“ кое е на програмата на 10 мај.