Реал го достигна дното - испадна од Копа дел Реј од второлигаш (ВИДЕО)

Домаќинот славеше со 3-2, а голот за победа го постигна во 94. минута откако претходно уште два пати се наоѓаше во водство. Реал настапи без 11 фудбалери на овој меч, некои од нив поради повреди, а други поради одлуките на Арбелоа, но ни тоа не е оправдание за дебаклот на шпанскиот гигант кој пред три дена доживеа пораз и од Барселона во финалето на Копа дел Реј.

Виљар го најави изненадувањето во 42. минута, за во судиското продолжение од првото полувреме Мастантуоно да искористи една мешаница и да го израмни резултатот. Драмата се случуваше во последните десетина минути од мечот, а херој беше Бетанкор. Прво, во 82. минута го врати Албасете во водство, Гонзало Гарсија израмни на истекот на основниот дел, а во 94. минута повторно Бетанкор, со фантастичен гол му донесе победа на својот тим и предизвика еуфорија на стадионот.

Со оваа победа Албасете не само што првпат во историјата го победи Реал, туку и се пласира во четвртфиналето од Копа дел Реј.

фото: EPA photo