Арсенал заврши повеќе од пола работа и е на чекор од финалето (ВИДЕО)

14 јануари 2026 - 23:16

Фудбалерите на Арсенал дојдоа многу блиску до финалето на англискиот Лига Куп откако вечерва го победија Челси со 3-2 во првиот полуфинале меч, одигран на Стемфорд Бриџ.

Ова беше првата победа за „топчиите“ на гости кај својот градски ривал во кое било натпреварување од 2022 година. Актуелниот лидер во Премиер лигата поведе во седмата минута преку Бен Вајт, а долгоочекуваниот Виктор Ѓокереш го зголеми резултатот на 2-0 во 49. минута. Надежта на домашниот тим десет минути подоцна ја врати Гарначо, но момците на Микел Артета повторно поведоа со два разлика преку Зубименди.

Се чинеше дека тоа ќе биде сè, но потоа Гарначо го постигна својот втор гол во 83-тата минута и внесе драма во натпреварот. На крајот, сепак, Арсенал победи пред реваншот на 3 февруари на својот стадион.