Пресметаа колку ќе ќари Јувентус од Роналдо и тоа е – неверојатна заработка!
Доаѓањето на Роналдо за Јувентус ќе значи дека сосе трансферот, годишната плата и данокот што „старата дама“ ќе го плати, целата операција ќе го чини италијанскиот великан 325 милиони евра, но италијанските медиуми веќе пресметаа дека трансферот е исплатлив, затоа што на годишно ниво, Јуве ќе има – неверојатна заработувачка.
Само во првите 24 часа, Јувентус продаде повеќе од половина милион дресови по цена од 105 евра, што значи дека повеќе од половината сума за трансферот ќе е „извадена“, но сега според меидумите, Јувентус на годишно ниво може да очекува заработувачка од 75 до 100 милиони евра, што би значело дека во следните четири години, „старата дама“ да биде и во плус од тоа што треба да го издвои за Португалецот.
Тоа што го потенцираат е дека ТВ-правата за мечевите на Јувентус сигурно ќе донесат многу поголема заработувачка од досегашната, а повеќе од извесно и побарувачката за билети за мечевите, што само посебе ќе донесе и поголеми цени на влезниците. Само од овие два сегменти Јувентус во однос на лани ќе има заработка за 34 милиони евра повеќе.
А тука, треба да се стави дека и маркетингот ќе донесе многу повеќе приходи, како и фактот дека „старата дама“ ќе атакува на европска титула, што во следните четири години, една таква шампионска слава ќе им донесе севкупно 100 милиони евра.