Познато колку ќе паузира Нико Вилијамс по повредата против Валенсија

11 мај 2026 - 22:33

Повредата на Нико Вилијамс на дуелот против Валенсија го загрижи селекторот на Шпанија, Луис Де Ла Фуенте, но денеска пристигна медицинскиот извештај.

Вилијамс се повреди на речиси еден месец од почетокот на Мундијалот, а денеска пристигнаа позитивни вести за неговата состојба.

Тестовите покажаа дека шпанскиот репрезентативец нема посериозна повреда, но ќе биде надвор од терените во следните три недели.

Талентираниот фудбалер треба да ѝ се приклучи на репрезентацијата на подготовките пред почетокот на Светското првенство.

Фото: Facebook/Athletic Club