Потврдено: Новата сезона во Калчото стартува на 19 септември!

03 август 2020 - 20:49

Тоа што од претходно беше најавено, се официјализираше денеска за најсилната италијанска лига, па новата сезона во Калчото ќе стартува на 19 септември.

Вечерва на состанокот на Советот на Серија А и официјално го потврдија датумот за почеток на новата сезона. Првично беше планирано Серија А да стартува на 12 септември, но поради технички причини стартот потоа беше презакажан за 19 септември и сега официјализиран.

Федералниот совет утре само формално треба да го потврдат овој термин за почеток на сезоната.

Во новата сезона во Серија А повторно ќе има тројца македонски репрезентативци, Горан Пандев во Џенова, Елиф Елмас во Наполи и Илија Несторовски во Удинезе.