Потрес во светскиот фудбал: Фергусон обвинет дека наместил меч во ЛШ

17 октомври 2019 - 19:16

Италијанскиот менаџер Џузепе „Пино“ Палјара имаше жестоки обвинувања на сметка на Сер Алекс Фергусон, за кој кажа дека наместил меч во Лигата на шампиони и тоа против Јувентус, а наместо казна, за тоа добил награда од 40.000 евра.

Еден од двајцата агенти, кои се појавиле на суд поради местење натпревари и разни неправилности во фудбалот, тврди дека Фергусон добил часовник како награда за тоа што го наместил мечот.

Покрај него и уште еден агент, обвинет е и помошникот тренер на Барнсли, Томи Рајт, а иако демантираше дека направил нешто нелегално, Италијанецот го обвини Фергусон за местење на мечот меѓу Јунајтед и Јувентус во елитното натпреварување.

Италијанецот бил „фатен“ на еден деловен состанок со новинарка на еден англиски медиум, а тогаш Пино обвинил неколку тренери, меѓу кои и Стив Мекларен, Хари Реднап, Нил Ворнок, а тоа секако се тешки обвинувања и засега нема дадено докази за тоа.