Пандев постигна голчиште, па доби црвен картон: Џенова испушти победа (ВИДЕО)

08 декември 2019 - 14:29

Македонскиот репрезентативец Горан Пандев постигна спектакуларен погодок од 35 метри против Лече во 15. коло од италијанската Серија А, но неговата екипа не успеа да победи (2-2).

Џенова поведе токму со погодокот на Пандев во 31. минута од мечот, а во самиот финиш на првото полувреме Кришито зголеми на 2-0.

Во второто полувреме домаќините заиграа многу подобро, па успеаа да израмнат на 2-2, по што следеа два жолти картони за Пандев.

Џенова останува во опасната зона со 11 бодови, односно еден помалку од Сампдорија која е на безбедна позиција.