Нови проблеми за Реал

Повредите дефинитивно се еден од клучните фактори за слабите партии на кралевите, а на листата на повредени од вторникот е додаден и Дани Карвахал.

Десниот бек мораше да го напушти теренот на дуелот против ЦСКА, а на негово место влезе Одриозола, кој во наредниот период ќе добие неочекувана шанса во составот на Лопетеги.

Сега е обелоденето дека Карвахал доживеал посериозна повреда и дека извесен период ќе мора да паузира, но не се знае кога се враќа на терените.

Тој не се најде ниту на списокот на Луис Енрике за натпреварите на репрезентацијата на Шпанија против Велс и Англија.

Покрај Карвахал, на листата повредени играчи се Марсело и Иско, а проблеми со повреда имаше и Герет Бејл.