Нов срам на Јунајтед: И Вулверхемптон ги скроти „ѓаволите“ (ВИДЕО)

26 декември 2024 - 20:27

Екипата на Манчестер Јунајтед го претрпе четвртиот пораз во последните пет кола откако вечерва загуби на гостувањето кај Вулверхемптон со 0-2.

Домашниот тим во овој меч влезе како 18-пласиран на табелата, но сепак успеа да победи и му ја продлабочи кризата на поранешниот шампион кој веќе 12 години чека шампионска титула во Премиер лигата. Резултатот беше отворен во 58. минута кога Куња директно од корнер го совлада Онана за огромни три бода за Вулверхемптон во борбата за опстанок, а во деветтата минута од судиското продолжение, Хванг ги постави конечните 2-0.

Голем придонес за поразот на Јунајтед имаше Бруно Фернандес кој во 47. минута доби втор жолт картон и мораше да го напушти теренот.