Гостивар со најубедливата победа сезонава стави точка на 2024

Домаќинот на овој меч триумфираше со 86-62 што е нивна втора победа во низа и вкупно петта во првите 12 кола од првенството. Овие 24 поени разлика се највисоки со кои победија сезонава. Се на овој натпревар беше решено во првото полувреме кое домаќините го добија со 55-26. Во првата четвртина направија серија од 12-0 за водство од 26-9, а потоа само ја зголемуваа предноста до највисоките +35 на почетокот од последната четвртина (76-41).

Сите кошаркари на Гостивар добија минутажа, а најефикасни беа Роудс и Соколов со по 14 поени. Капитенот Хусеин Бајрам повторно го предводеше Вардар, сега со 18 поени.