Нејмар: Нè уништи егото, Мбапе му беше љубоморен на Меси во ПСЖ

17 јануари 2025 - 15:21

Нејмар во големо интервју со легендарниот Ромарио откри детали од неговата кариера, посебно од периодот поминат во ПСЖ каде што соблекувалната ја делеше со Лионел Меси и Килијан Мбапе.

ПСЖ со страшното трио не успеа да ги исполни очекувањата и да се искачи на европскиот врв, а Нејмар откри што ја уништило нивната врска во Париз.

„Егото нè уништи. Добро е да мислиш дека си најдобар, но понекогаш мораш да играш со колегите, не си сам. Фудбалот е таков спорт и мора сите да се потрудат. Кога дојде Меси, Мбапе стана љубоморен и почнаа проблемите“, открива Нејмар.

Нејмар во моментов го носи дресот на Ал-Хилал, но наскоро ќе го напушти тимот од Саудиска Арабија.