Нејмар го водеше ПСЖ до нов триумф: Бордо настрада во гол-шоуто на „светците“ (ВИДЕО)

30 септември 2017 - 18:52

Штотуку почна сезоната во Франција, а по само осум кола веќе е јасно дека Пари Сен Жермен нема ривал што може да го сопре, па Бордо денеска настрада и убедливо загуби со 2-6, а „жирондинците“ успеаа за едно полувреме да примат пет гола и треба да бидат среќни што доживеаа и ваков пораз.

Најскапиот светски фудбалер Нејмар со два гола и асистенција го предводеше парискиот клуб до седмата победа во осмиот меч. ПСЖ дефинитивно е гол-машина, па ПСЖ досега во осум меча даде 27 гола (повеќе од три по меч во просек), а третопласираниот Бордо делуваше како аматерски клуб против незапирливиот париски гигант.

Нејмар со велемајсторија ја најави победата, а ПСЖ истата ја запечати по половина час игра. Патем Бразилецот му асистираше на Кавани, а овој ак му возврати пуштајќи го Бразилецот да реализира пенал. Килијан Мбапе, Томас Муние и Јулијан Дракслер уште погодија за убедливиот триумф.