Не помогна ниту магијата на Чави Симонс, Тотнем остана во опасната зона (ВИДЕО)

18 април 2026 - 20:33

Фудбалерите на Тотнем беа на чекор по 14 натпревари без триумф конечно да слават во Премиер лигата, но на крајот одиграа реми со Брајтон 2-2.

Не помогна за Тотнем ниту одличниот настап на Чави Симонс кој асистираше за првиот погодок и го постигна вториот. Резултатот по асистенцијата на Симонс го отвори Педро Поро во 39-тата минута, додека Брајтон во финишот од првиот дел се врати преку Митома.

Се играше 77-тата кога Симонс се сам направи, шутираше и на спектакуларен начин успеа да погоди, меѓутоа во петата минута од судиското продолжение Рутер ги постави конечните 2-2.

Со ова реми Тотнем останува во опасната зона на 18-тата позиција со 31 бод и бод помалку од Вест хем кој има и натпревар помалку.